Orkestra bat baino gehiago
Gure ohiko orkestra formatuaz gain, beste talde mota batzuk ere baditugu, hala nola ganbera musika, talde txikiak edo JOP BigBand.
Zer da JOP Big Band?
Proiektu berritzailea da, big bandaren tradizioa eta Iruñeko musikari gazteen energia uztartzen dituena. Roman Degtiarevek zuzenduta, swing klasikotik hasi eta konponketa modernoetaraino joko dugu, adin guztietako ikusleekin konektatzen duen soinu dinamiko eta inguratzailea sortuz.
JOP Big Band-ek Brass Band eta combo taldeak ere biltzen ditu, unean uneko beharretara egokituz.
Ganbera musika taldeak
Ganbera musika da talde musikaren oinarria. Gure musikariak talde ezberdinak osatzera bultzatzen ditugu; moldagarritasuna, malgutasuna, entzuteko gaitasuna eta erabakiak hartzeko gaitasuna bezalako ezaugarriak entrenatzeko. Talde txiki horietan sortutako loturak indartsuak eta iraunkorrak dira.
Kolaborazioak
Musikari eta gizaki bezala bizipen berriak ekarriko dizkiguten kolaborazioen bila gabiltza etengabe. Orain arte hainbat proposamenekin kolaboratu dugu puntualki, hala nola, Jaso Musikalarekin, Noe Escalera artista bisualarekin edota Nafarroako Jota Eskolarekin. Baita Sinfonía Navarra bezalako taldeekin kolaborazio egonkorragoak lantzen ari gara, non gure musikariak mundu profesionalean sar daitezkeen.
Hartu-emanak
Bizi izan dugun esperientziarik politenetako bat Bogotako Sinfonietta Academy orkestrarekin, gurearen antzeko ezaugarriak dituen orkestra kolonbiarrarekin, egin genuen elkartrukea izan zen. Ibermusicas-en mugikortasun laguntzari esker, gure orkestrako talde txiki bat Kolonbiara joan zen bertako musikariekin kontzertu bat egitera. Ondoren, Kolonbiako musikari talde bat izan genuen Guetadarren, 2025eko udako topaketan. Etorkizunean antzeko trukeak egitea espero dugu!
